高達登陸奧海城！8折購買心頭好

高達話咁快就誕生35週年！今個復活節，奧海城就化身高達基地俾高達狂迷參觀，而最重要的就係可以8折購買心頭好！今日我依莉詩就率先去尋寶。

2米高經典高達重現眼前

雖然今次展覽的高達無之前時代廣場咁大隻，不過當中 2米高經典RX-78-2高達、巴巴托司高達模型 同 萌爆「熊霸 Ⅲ」(BEARGGUY Ⅲ) 模型 都相當精細，同佢地合照效果亦非常好。而 6米高的巴巴托司高達模型盒（GUNDAM BARBATOS）化身高達基地背景，場面亦非常震憾。

▲ 6米高的巴巴托司高達模型盒（GUNDAM BARBATOS）化身高達基地背景，場面非常震憾。

▲ 2米高的巴巴托司高達模型十分有型。

▲ 2米高「熊霸 Ⅲ」(BEARGGUY Ⅲ)模型萌爆全場。▲ 入口有 2米高經典RX-78-2高達迎接大家。

展出多種模型作品

影相之外，仲有唔同型號的經典高達展出，更有 2015 高達模型製作家世界盃香港區(GBWC 2015) 的得獎作品 同  由多位名人、潮人及小朋友，包括汪東城、周秀娜、陳柏宇、神奇小子曹星如、伍家謙、游學修、蘇麗珊、馮允謙、Shine、林奕匡及劉小華等為高達模型設計全新形象，跳出傳統高達模型的框框，為大家帶來多個充滿驚喜及獨一無二的形象，粉絲們一定睇得興奮。

▲ 當中展出了 2015 高達模型製作家世界盃香港區(GBWC 2015) 的得獎作品。

▲ 連獎杯都非常有型。

▲ 多位名人的作品製作成 Mega Size (1:48) 高達模型，打破高達原有的形象。

▲ 此外，仲有唔同型號的高達展出，粉絲又儲咗幾多隻呢？

攝影室成高達模型盒一部份

睇完展覽仲可以走入高達模型創意攝影室，化身成高達維修員，拍攝創意照片，成為高達模型盒的一部份。

▲ 只要係奧海城或中港薈以單一電子貨幣消費滿 $300或 以Olympian Kids 300積分，即可於「高達模型創意攝影室」拍攝創意照片乙張，上載相片至 Facebook 更可獲贈限量版高達證件套一個。

高達拼圖王考眼界

另外，狂熱粉絲可挑戰「巨型高達模型拼圖王」遊戲，大考大家對高達模型結構熟悉程度，將高達的唔同部份砌好就有禮物架啦！

▲ 只要係奧海城或中港薈以單一電子貨幣消費滿 $200或 以Olympian Kids 200積分，即可換領「巨型高達模型拼圖王」遊戲券乙張，完成遊戲即可獲贈高達A5文件夾一個。

高達模型工作室

小朋友未必識砌模型，只要係奧海城或中港薈任何兩間不同商戶以電子貨幣消費滿$500元或以上，或以Olympian Kids 800積分，即可以到高達模型工作室學習，親身砌一盒簡單版的高達模型。

低至半價搶購心頭好

嚟得一定要買番幾盒模型番屋企。呢間高達基地限定店，提供各款最新高達模型產品以供選購，包括日本限量版高達模型系列HG 1/144 創建突擊高達全武裝帕拉夫斯基粒子透明版，更可以優惠價購買多款精品，包括「PG1/60 RX-0[N]  獨角獸高達02  報喪女妖 諾亞」、「MG1/100 RX-78-2 高達Ver. The Origin」及「MG1/100 V2  高達  Ver.Ka」等，部分產品更低至半價，高達迷要把握迷掃貨良機！ 而自認模型高手的粉絲更不可錯過「高達模型極速挑戰賞」，只需於限定店內購買指定高達模型，並於限時內完成裝嵌，即可贏取「高達創戰者部件」一盒。
▲ 今次主題的巴巴托司高達模型。

▲ 而呢兩盒係場內最抵之選，左面的只需 $419.9，右面的只係 $235。

▲ 另外，只要係奧海城或中港薈任何兩間商戶以電子貨幣消費滿$1,000或以Olympian Kids2,000積分，即可換領多款SD高達模型一盒。

依莉詩點評

高達係男人的浪漫，所以我唔係太過明白。特別係係工作室嘗試砌模型的時間，雖然只係 for 6-12歲小朋友砌的初級版，但我都砌到不知所措。不過見同事睇展覽的時候睇得咁開心，我諗呢個展覽應該都好吸引都男士到場。

必影指數 ★★★☆☆

必玩指數 ★★★☆☆

相關影片:

The post 高達登陸奧海城！8折購買心頭好 appeared first on UNWIRE.HK 流動科技生活.