仲有幾日就 12月，部長 Kumamon 搭飛機嚟咗鑽石山荷里活廣場預早同大家過聖誕。為咗增加港人親切互動，部長仲將中庭設計成熊本縣 5個特色景點，同大家齊齊 Selfie。
5 大至萌影相位
係 5千幾呎中庭內部長 Kumamon 化身聖誕老人，走入 5個以熊本縣特色景點為藍本嘅佈置，同大家過聖誕！當中熊本縣當地物產展展出多款係熊本縣生產嘅物品，真係唔講唔知呢！另一邊，Kumamon 浸緊黑川溫泉，睇佢個樣就知幾嘆。走過球磨川の木橋，大家可以到水前寺公園同神社鳥居祈福。最後可以到熊本縣市區列車玩互動遊戲，影相打卡！
▲ 去日本，粉絲們一定要去「熊本縣物產館」朝聖，Kumamon 今趟香港之旅帶咗唔少當地物產過嚟。當中包括部長嘅聖誕帽、聖誕手套、圍巾等，仲有部長最愛嘅零食同特色紀念品，加深大家對部長起居與工作生活嘅認識。
▲ 大家可以係橋邊同掛上聖誕襪嘅部長把臂同遊，把喜悅和祝福傳遞給身邊人。
▲ 部長時刻謹守「Work Hard Play Hard」嘅生活哲學，閒時最愛享受黑川溫泉。
▲ 飽嚐香港地道美食後，Kumamon 開始想念家鄉馳名拉麵，部長在熊本駅候車期間也不忘嚐一口 A級熊本豚骨湯拉麵。
▲ 上到列車，Kumamon 同大家玩電子體感，玩玩仲可以同佢合照添！
▲ 去日本又點少得去神社，Kumamon 亦將水前寺公園及神社鳥居帶到嚟啦！
Kumamon 精品聖誕義賣
對 Kumamon 粉絲嚟講，齋影相又點會夠。設計成日式庭園嘅 Kumamon精品店入面有數十件香港優先發售嘅 Kumamon精品。當中更係聖誕義賣活動，扣除成本、開支後，將撥捐贈給日本熊本縣政府支持振興發展用途，shopping 都咁有意義，買多啲都唔怕啦！
▲ 日式庭園風格嘅 Kumamon精品店每幅牆都係影相位。
▲ 彈跳保暖壺 $117
▲ 馬克杯 $130
▲ BB襪 $45
▲ 貼紙 (左) $35、便條紙 (右) $30
依莉詩點評
作為聖誕佈置，除咗 Kumamon 嘅造型戴咗聖誕帽，其實無太大氣氛，不過融合咗熊本縣元素都幾特別。影相位都幾多，而且呢個場唔會太多人，要影靚相應該無難度。至於精品大部份都係香港優先發售，加上係義賣，shopping 都咁有意義呢！
聖誕氣氛 ★★★☆☆
必影指數 ★★★☆☆
必買指數 ★★★★☆
Kumamon『熊』式聖誕之旅
日期： 即日起至 2017年1月2日 (中午12時至晚上9時)
地點： 鑽石山荷里活廣場一樓明星廣場
• 不想錯過新科技 ? 請 Follow unwire.hk FB 專頁 http://facebook.com/unwirehk/The post Kumamon 熊本熊鑽石山迎聖誕！5 大至萌影相位無限 Selfie appeared first on UNWIRE.HK 玩生活‧樂科技.