聖誕為食派對始動！加菲貓搵食搵到將軍澳

雖然蛋黃哥好紅，不過要說到大食懶嘅始祖點都唔夠加菲貓勁！因為佢唔止懶，仲好胃食。今個聖誕佢就帶埋阿的去將軍澳中心開「為食派對」。

結伴暢遊「甜蜜花園」

橙色嘅加菲貓來身已經好搶眼，今次連派對會場都好 colorful。美食主題裝置當中少不了加菲貓最愛嘅甜甜圈，更有大型加菲貓主題雪糕杯同聖誕糖果屋裝置，打造聖誕「甜蜜花園」。

將軍澳中心特別於聖誕節打造加菲貓“Eat’Mas”為食派對，配合美食主題特設多個甜點裝置，當中少不了加菲貓最愛的甜甜圈，好友阿的更會奇趣現身甜甜圈，；同場更有大型加菲貓主題雪糕杯及聖誕糖果屋裝置，打造聖誕「甜蜜花園」，與粉絲共度「甜」蜜溫馨時刻，整個商場「甜」蜜滋味滿瀉；聖誕佳節當然少不了閃亮炫目的大型聖誕樹屹立於中庭位置，更可倚伴加菲貓齊齊坐上由阿的化身的鹿車暢遊冰雪天地，絕對是加菲貓迷聖誕潮聖必到景點！

▲ 咁大杯加菲貓雪糕，食晒應該肥幾磅！

▲ 加菲同阿的坐係甜甜圈唔知等緊邊個呢？

▲  12 月 17-18 及 24-26 號 ，大家有機會係聖誕糖果屋裝置見到加菲同阿的啊！

聖誕老人親筆送上窩心祝福

每逢聖誕節，小朋友都會寫信俾聖誕老人，希望得到聖誕老人嘅禮物。只要係商場以電子貨幣消費滿指定金額，就可以換領「將軍澳中心‧加菲聖誕新年名信片」，小朋友就可以係加菲貓郵筒投寄，仲有機會得到身處於聖誕老人故鄉 – 瑞典北部小鎮耶利瓦勒或本地的聖誕老人親筆回信！

▲ 只要係商場以電子貨幣消費滿指定金額，就可以換領「將軍澳中心‧加菲聖誕新年名信片」。

▲ 好彩的話仲有機會收到聖誕老人嘅親筆回信。

▲ 加菲已經準備好將你嘅明信片送到聖誕老人手上了。

限定店幫小朋友買新衫

冬季來臨，又係時候幫小朋友買靚衫，係郵局同花園中間嘅加菲限定店就有大量童裝，件件都好得意架！

▲ 限定店佈置成聖誕屋。

▲ 加菲嘜頭嘅童裝夠晒 colorful。

▲ 加菲只係 $108，都幾抵買。

依莉詩點評

將軍澳中心中庭雖然窄窄長長，佈置起上嚟都幾靚，整個派對都好繽紛歡樂。不過亦因為長，影相好易會有路人甲，下下都會影晒全個景，但光線都唔錯，用手機影都唔怕太差。至於限定店大部份都係童裝，所以大人就未必有收穫啦！

聖誕氣氛 ★★★☆☆

必影指數 ★★★☆☆

必買指數 ★★★☆☆

加菲貓 “Eat’ Mas" 為食派對

日期：2016年 11月18日 至 2017年 1月 1日

地點：將軍澳中心地下中庭

The post 聖誕為食派對始動！加菲貓搵食搵到將軍澳 appeared first on UNWIRE.HK 玩生活‧樂科技.