【澳門巴黎人】去澳門可以扮去左巴黎？5大必影地標

之前威尼斯人就將大運河搬入酒店，今次巴黎人更將多個巴黎地標搬到澳門，到底影相呃唔呃到人？建築又山唔山寨呢？依家就同大家逐點睇。

資料來源：網上圖片

1) 巴黎艾菲爾鐵塔

呢個鐵塔仿效艾菲爾鐵塔的 1：2比例建造，162米高。外型上十足十，低抄上去，話自己係巴黎應該可以呃到人。不過塔下廣場唔夠大，想搵個位同鐵塔合照都幾難。而且鐵塔被五光十色的賭城區包圍，少了一分寧靜浪漫，多了分繁華。

相似度：80%

資料來源：網上圖片

2) 鐵塔下的旋轉木馬

巴黎幾乎可以隨處見到旋轉木馬的蹤跡，無論車站前、聖心堂前、鐵塔旁都會有，所以鐵塔配旋轉木馬可以話係必備構圖。而係Q立方的小朋友版旋轉木馬加上細版鐵塔可以話係夢幻組合，可惜中間的樹太高，令景觀大打拆扣。

相似度： 60%

資料來源：wikimedia

3) 榮軍院拱頂壁畫

酒店大堂拱頂參照巴黎第七區榮軍院 L’ Hotel National des Invalides興建，畫作像真之餘，25米高的拱形天花由12支大里石柱支撐，極具氣勢。

相似度： 90%

資料來源：wikimedia

4) 聖奧諾雷路

複製一座建築物容易，但要複製一條街就好難，特別係呢條公認為巴黎最華麗的街道。縱使利用天花玻璃上的假樹營造戶外效果，但戶內店鋪難以代替街角地鋪，沒有那種味道。

相似度：10%

資料來源：wikimedia

5) 凡登廣場

單單認廣場中的迷你版旺多姆圓柱就知這是凡登廣場。假天花會按不同時間投射晝夜，營造戶外效果。雖然比例不同，但感覺相像。

相似度：40%

The post 【澳門巴黎人】去澳門可以扮去左巴黎？5大必影地標 appeared first on UNWIRE.HK 玩生活‧樂科技.